Riba e portada di edicion di september ta deslumbra, Marrit Gorter, cu ta e prome piloto femenino activo na Aruba. Marrit ta conta cu desde e tabata den 5e klas, e tabata hopi interesa den espacio y a kere cu bira astronauta tabata su futuro. Pero esey a cambia pa piloto di combate den forza aereo Hulandes, pero Marrit a termina ta bay Business School na Hulanda pa haya un estudio ‘real’. Marrit a lanta na Malmok cu lama casi den su veranda y desde cu lama tabata un parti grandi di su bida, el a siña windsurf ora e tabatin 13 aña.
Un pregunta cu sigur no por falta ta si bira piloto tabata un soño di dje desde chikito y el a contesta: “Mientras e muchanan tabata crece, mi interes den biahamento nunca no a disminui. Mi ta corda con mi tabata sinta na Schiphol cu e muchanan 5 aña pasa, wardando pa aborda un avion di KLM pa New York. Mientras cu e tripulacion tabata pasa dilanti nos, mi a nota cu e tripulacion tabata uno completamente femenino; 1 capitan, 2 co piloto y tur e stewardessnan. Mi a puntra nan despues, djis pa ta sigur y tur a bisa mi cu nan tabata excita. Tabata na e punto ey, cu mi a realisa cu mi mester a cuminsa bula atrobe y sigui mi soño”. Por lesa e entrevista di Marrit den FOCUS di e luna aki unda e ta conta detayenan interesante di su bida personal y profesional.
