Prome cu wega, Andreescu a bisa si un hende lo a puntre 12 luna pasa cu e lo hunga cu Serena Williams den e final di US Open, lo el a pensa cu nan ta loco. Bisando, como señal di su confiansa firme, cu e no lo a pensa mescos si nan a bise esey dos siman pasa. Bianca a bisa dilanti e publico cu e aña aki ta un soño cu a bira realidad, y cu e ta hopi agradecido y realmente bendiciona. El a traha hopi duro pa e momento ey, y pa hunga contra Serena cu ta un berdadero leyenda di e deporte, ta increíble.
E teener Bianca Andreescu a sorprende Serena Williams den final di US Open reclamando e prome titulo di Grand Slam. Williams (37) no por a ‘cope’ cu e calidad di e hoben di 19 aña den una derota 6-3 7-5. Andreescu ta e prome canadiense cu ta gana un ‘tennis major’ y e prome teenage cu ta gana un Grand Slam, desde cu Maria Sharapova a reclama e titulo na 2006 na Flushing Meadows.
Su obhetivo tabata pa gana mas tanto Grand Slams cu ta posibel, pa bira e number uno na mundo. Pero e idea pa ta famoso nunca a pasa den su cabes. Biana Andreescu a scirbi un ‘fake’ cheque tres aña pasa, cu tabata un ‘mock-up’ di esun cu ta entrega na e campeon di US Open. Awor despues di a gana Serena William den e final di diasabra ultimo, e ta cla pa cobra un suma di £3.1m.
