Aruba tabata presente na El Salvador pa e certamen Miss Teen Americas, cu e representante; Alviana Davina Arends. E certamen a celebra su di 10 aniversario, bou guia di e conocido Francisco Cortez. Esaki tabata di 8 biaha cu Aruba a participa den e concurso, unda semper nos candidatanan a sa di destaca. E aña aki Aruba tabata bon prepara cu Alviana, cu tin un amplio trayectoria den e concursonan di beyesa, ya cu ta for di su dos aña, e ta envolvi den e mundo di beyesa, unda el a adkiri hopi disciplina y conocemento. Sinembargo contrario na e otro certamennan cu el a participa, esaki no a keda cu recuerdonan grato pa Alviana.
Alviana a biaha cu su mayornan, Nelkis y Alvin Arends, y tambe director di e concurso, Tio George Winterdaal, cu a indica na FOCUS, cu e tabata super contento cu e trabou cu Alviana a desplega durante e periodo di certamen. Sin embargo e experiencia mes di Alviana na El Salvador no tabata nada agradabel menos memorabel. Nos a tuma contacto cu Francisco Cortez y a puntre riba tur e puntonan cu Alviana a publica den su post riba su facebook. Di su parti el a desmenti tur cos y trece otro puntonan dilanti tocante e representante di Aruba. Riba tur locual cu e director di e concurso di Miss Teen Americas ta bisa di Alviana Arends, e ta contesta den detaye mustrando cu e ta esun cu a ricibi un trato inhusto di e organisadornan. Den revista FOCUS di e luna aki por lesa di e experiencia di Alviana Davina Arends na e certamen di Miss Teen Americas.
Bellisima sempre Elegante una Muchacha que Representa a la Juventud Arubeña e del Caribe una mezcla de Razas entre Holanda y Venezuela.