Cu hopi entusiasmo a anticipa Capsule Collection di Duchess of Sussex cu Smart Works desde cu a anuncia esaki durante zomer. Awe 12 di september finalmente a lansa e linea na John Lewis, Marks & Spencer y Jigsaw. Un di e prome articulonan online tabata e Crepe Shift Dress, conoci tambe como ‘Smart Set Dress’ na M&S.

Cu ta costa solamente £ 19.50 y ta traha den e tela di crepe, cu no solamente no mester di strika, pero tambe ta faborece e curpa cu su corte simpel y flowy. E tin un escote den V suave y ta bin den e colornan blauw, preto y cora. Pa cada shimis cu wordo bendi, e tienda ta duna un na Smart Works, e organisacion benefico cu ta empodera y apoya e hende muhernan, pa fortalece nan confiansa pa logra nan exito laboral. Meghan, cu ta e patrona di Smart Works, a describi e shimis como: “Not a handout, a hand held.”

Meghan, a anuncia e proyecto durante cu e tabata editora invita di British Vogue, y el a skirbi cu e rason cu el a sintie atrai pa Smart Works ta pasobra e ta ‘re-frame’ e idea di caridad como comunidad, cu p’e ta increiblemente importante. E ta un nerwork di muhernan cu ta apoya y empodera e otro hende muhernan den nan actividadnan profesional. Smart Works a yuda mas di 11.000 muher y su obhetivo ta bisti 3.500 e aña aki atraves di nan dos oficinanan na Londres, y diferente otro base adicional na varios caminda. E serie’timeless’ di outfits ta diseña teniendo na cuenta e lugar di traha. E coleccion ta inclui un camisa, blazer, shimis y tas.

LEAVE A REPLY

Please enter your comment!
Please enter your name here