Ta parce cu e cantante spaño, Alejandro Sanz, ya a reencontra amor den un cubana. No tin malo cu ta dura largo y prueba di esaki ta e artista aki, cu a apenas despues di anuncia su separacion di Raquel Perea, cu ken e tabata den un union liber pa 12 aña y cu e tin dos yiu: Dylan y Alma, ta feliz den braza di e modelo cubana den un barco na Miami.
Segun e revistanan di curason, e pareha nobo di Sanz ta Rachel Valdés, un modelo y artista plastica di 30 aña. E cubana aki a protagonisa un videoclip di e tema ‘Traidora’, interpreta pa Marc Anthony. Segun ta speculando cu e pareha tin varios luna di relacion y cu e modelo ya a compañe den algun concierto den su gira. Ademas di a comparti nan vacacion di zomer hunto den e ‘Finca de Jarandilla’ di Sanz, unda ta parce cu ya el a conoce e dos yiunan mayor di e cantante.
