Dia 1 di november 2019, e prome Courtyard by Marriott den Caribe lo keda oficialmente estableci na Aruba. Mill Resort & Suites a pasa den un inversion impresionante di $ 25 miyon pa actualisa y eleva e propiedad na e luho y servicio di e calidad cu lo converti’e den e standartenan di Courtyard by Marriott Aruba Resort. E resort lo ta opera pa Trust Hospitality, un top boutique y resort hotel management company cu su base na Miami, cu localidadnan den henter Caribe, America Latina y Norte America.
Recientemente a nombra Vicky Perez como Gerente General di Trust Hospitality, pa maneha e proceso completo di e transformacion como tambe e operacionnan di e resort cu ta den proceso. Vicky tin amplio experiencia den hospitalidad, compilando un carera impresionante y diverso a traves di añanan di trabou den un variedad di capacidad den e industria turistico di Aruba. Ademas Vicky Perez a traha den varios funcion clave y tambe den sales & marketing pa otro resortnan importante na Aruba, incluyendo Radisson Resort y The Ritz-Carlton, Aruba.
E conversion aki ta marca un ‘key milestone’ pa Trust Hospitality, añadiendo na su portfolio creciente e maneho di varios marca den Marriott International brands den Caribe.
