Na februari e aña aki e actriz, Angelica Rivera, a confirma su divorcio di Enrique Peña Nieto. A traves di Instagram, e ex primera dama di Mexico a confirma e rumornan di su separacion despues cu a sali un potret di e ex presidente di Mexico, acompaña di e modelo Tania Ruiz Eichelmann na Madrid. E tempo ey el a skirbi cu e ta lamenta profundamente e situacion aki cu ta asina doloroso p’e y nan yiunan. Pa tal motibo el a tuma e decision pa divorcia, y cu semper el a entrega cu casa su amor, su tempo y esfuerso pa cumpli como esposa, compañera y mama. Den mesun mensahe Angelica Rivera a revela cu e lo bolbe tuma su carera como actriz y lo enfoca riba su labor como mama.

Angelica Rivera y Peña Nieto a casa na november 2010 y for di e tempo ey el a bandona su carera como actriz . El a ser nombra presidenta honoraria di DIF, ademas di compaña e tempo ey e presidente na diferente evento. E muhe cu a alcansa e top di su carera profesional na 2007, a pasa di amor pa e odio di e mexicanonan den solamente 7 aña. Su papel como Primera Dama di Mexico di 2012 pa 2018, a pone den un di e espacionan mas opaco den e seis añanan di un presidente di e Republica. A pesar cu e por a yega cu bon intencion DIF, su protagonismo involuntario den e scandal di Casa Blanca, a lag’e atrapa e restante di e gobierno di Enrique Peña Nieto.

Angelica a nace dia 2 di augustus 1969 na e Ciudad di Mexico. El a gana na 1987 e concurso di beyesa “El Rostro del Heraldo”, y e prome novela cu el a participa na 1989 tabata titula “Dulce Desafío”, den cual el a comparti credito cu Eduardo Yáñez. El a debuta como cantante den e grupo “Muñecos de papel” na 1991, mesun aña cu a sali e telenovela “Alcanzar una estrella II”. Angelica na 1995 a ricibi reconocimento den e medio artistico pa su papel protagonico den e novela “La Dueña”. Su prome yiu Sofia a nace na 1996 di su noviazgo cu e productor di Televisa. E tata di su yiu a dune e rol como protagonista di su novela “Angela” na 1998. E pareha a haya nan segundo yiu Fernanda na 1999 y di tres yiu muher Regina na 2005. Angelica Rivera a protagonisa un cantidad di telenovela manera: “Mariana de la noche”, “La Gaviota” y “Destilando amor” na 2007, a lanse como un di e muhernan mas admira di Mexico. Esaki ta e produccion unda el a retira di e medio artistico pa converti den e imagen di e campaña “Los 300 compromisos cumplidos” di e tempo ey gobernador di e estado di Mexico na april 2008, unda el a conoce Enrique Peña Nieto.

LEAVE A REPLY

Please enter your comment!
Please enter your name here