Durante e gran celebracion di e cumpleaño di Trey Wyatt, un di e invitadonan special tabata e actriz Lydia Cornell, cu tin un amistad estrecho cu famia Wyatt. Lydia Cornell ta un artista Mericano, mihor conoci den su rol di Sara Rush riba ABC comedy Z.

Lydia hunto cu Trey y Mervin Wyatt

Lydia Cornell, a nace dia 23 di juli 1953 y su nomber oficial ta Lydia Korniloff. E ta e yiu mayor di e violinista di concierto Irma Jean Stowe y bisanieta di Harriet Beecher Stowe y Gregory Jacob Korniloff, un graduado di Los Angeles Conservatory of Music and Arts. Lydia tambe ta un comediante, conoci pa su ‘knife-sharp wit’ riba HBO, Improv, standup comedy, radio, social media, concerts, public speaking y television. 

SU PROME APARIENCIA

Cornell su prome apariencia tabata como Lydia Korniloff den un ‘walk-on’ como un mucha muher den auto den e pelicula Steel (1979). Su prome parti papia profesional tabata den un episodio di The Love Boat. Den zomer di 1980, Cornell a pasa 9 luna filmando na e islanan Griego, pa su apariencia den e pelicula mitologico hororoso Blood Tide. Cornell su prome rol grandi tabata como Sara Rush, ‘a ditzy, big-breasted blonde” na Too Close for Comfort di 1980–86.

Na 1982, ora cu e popularidad a cuminsa crece, e sexologo Robert T. Francoeur, a describi Cornell como un ehempel moderno di “classic female stereotypes in the mold of Marilyn Monroe and Jayne Mansfield”. Despues Cornell a aparece riba numeroso programa durante e añanan, incluyendo: The Love Boat, Charlie’s Angels, The Drew Carey Show, Quantum Leap (the pilot episode), Full House, Knight Rider, The Dukes of Hazzard, The A-Team, T. J. Hooker, Simon & Simon, Hunter, Hardball, Black Scorpion, Hotel, Fantasy Island, Battle of the Network Stars, Super Password, y mas recien Curb Your Enthusiasm.

COMPARTI EXPERIENCIA DI BIDA

Manera ta e caso cu hopi artista famoso, e parti di droga, alcohol, bida di fiesta, etc. ta un parti fundamental di nan estilo di bida. Lydia ta sobrio di droga y alcohol desde 1994 y ta uza su experiencia di bida pa papia cu grupo di recuperacion di mas di 200 hende of mas. Banda di esey tambe el a papia na Texas A&M for Domestic Violence Prevention’s 30th anniversary luncheon. Lyida ta papia na hospital, scol secundario, centro di hende muher pa surpasa adiccion, depresion, suicidio, perdida, desempleo, sexismo y hopi mas. Su triunfo riba adiccion tabata un resultado di un ‘catastrophic spiritual awakening.’ Su charlanan inspirativo ta e storianan di tranformacion cu humor, pa asisti otro den surpasa fracaso y humiyacion. Lydia tambe mester a surpasa e tragedia doloroso y traumatico, ora el a haya curpa di su ruman homber chikito despues di un overdosis di droga.

ACTUALIDAD

Protoganista den mas di 250 TV shows & pelicula den 27 pais, incluyendo HBO’s Curb Your Enthusiasm, Lydia ta un celebridad internacional cu un enorme siguidor di fan leal. Su base di fanatico a explota herfst pasa, ora el a bay den Google’s Top Trends y Yahoo! Finance News’ Most Viewed News Stories, net patras di William Buffet. Yahoo! Finance News: Lydia Cornell a entrevista varios lider mundial, e ganadornan di Pulitzer Prize, White House y e Candidatonan Presidential pa e ‘New morning drive AM radio show’.

El a skirbi varios buki, cu a converti den pelicula y series di TV, incluyendo un buki tocante Josef Stalin y e proyecto cu NASA-JPL. Tambe e ta e autor di dos buki ‘self-help’: Aging Backwards: Healing Dementia; y Spiritual Recovery.

LEAVE A REPLY

Please enter your comment!
Please enter your name here