E fiesta cu segun comentario, cu por wordo considera manera e Met Gala di Aruba, ayera nochi tabata impresionante! E fiesta anual di Kiwanis Club of Aruba, cu su tema e biaha tabata GALA OF THRONES, tabatin e combinacion perfecto pa tur hende na e evento aki por a disfruta di un experiencia excepcional.

The arrival 🤣🤷🏻‍♀️ Kiwanis Wine Gala! Gala of Thrones… Best dressed!

Posted by Arnalda Lampe on Sunday, September 29, 2019

Manera tabata di spera cu Kiwanis Club of Aruba, cu tin su experticio pa presenta su fiestanan pa recauda fondo den un concepto glamuroso, e aña aki un biaha mas a impacta totalmente. E decoracion den Renaissance Convention Center crea pa Mosaic Event Planners manera semper a resalta pa su toke di sofisticacion. E diferente booth di biña, cocktails y tambe uno di craft beer tabata sublime. Pa locual ta e parti di entretenimento cu tres banda y un DJ, tur cuater a percura pa pone un ambiente sin igual.

Despues cu tur presente a pasa na e seccion pa saca potret na entrada hunto cu e modelonan, Kiara Arends y Daniela Pop, nan a cana riba red carpet pa disfruta di e anochi, mientras e huradonan a cuminsa busca tambe e miho trahenan di GALA OF THRONES. Como Best Dressed Couple a keda escogi Ritza y Mike Lopez, Best Dressed Female a bay cu e premio Arnalda Lampe cu a luci un creacion espectacular di Gigliola Designs y como Male Best Dressed a keda Rodney Hernandez. Un aplauso grandi pa Kiwanis Club of Aruba cu un otro evento exitoso pa recauda fondo, cu e meta pa yuda nos comunidad y principalmente e muchanan a traves di nan cantidad di proyectonan.

Gala of Thrones Best Dressed 2019
Shaky Nicolaas-Lacle a bira e ganador di e main door prize cu ta un travel voucher na balor di AWG 2,500.00

LEAVE A REPLY

Please enter your comment!
Please enter your name here