Tarita Riley ta conoci pa su creatividad y estilo personalisa y Sharlene Starke no tabata conoce, pero a acerca BuiltFix via nan pagina di Facebook pa nan prome ‘intake gesprek’. For di e prome encuentro, ambos a conecta cu otro y nan tabata sa cu esaki lo bira un bunita proyecto.
Sharlene ta conta cu el a scoge pa estilo di cas minimalista door cu antes nos a lanta cu e pensamento mas grandi, mas hopi, mihor. Desde cu el a cuminsa cu su “journey to self discovery” el a descubri cu menos rommel/clutter tin rond di dje, mihor e ta sinti, door cu e ta aclarea bo mente y ta trece trankilidad.
Den e edicion di e luna di october FOCUS tin su HOME TRENDS 2020, unda Tarita Riley ta mustra e diferente tendencianan di cas awendia. Den e ‘makeover’ di e cas di Sharlene Starke por mira e ‘before’ & ‘after’ cu ta resalta e parti minimalista y contemporaneo, cu ta laga nan sinti cu den un ‘penthouse’ nan ta bibando.
Den e ‘highlight’ di Home Trends 2020, Tarita ta ilustra tambe diferente tips manera e ‘laundry room’, un espacio cu hopi biaha nos ta lubida ora di traha cas. Con pa sinti bo baño manera un spa? Antes bo baño tabata dijs un espacio di funcionalidad mas den bo hogar. Awendia e ta un di e ‘vocal points’ di cualkier cas, cu ta fungi pa hopi di nos como un “retreat”.Bo tin un hardin y bo ta buscando un manera pa ‘upgrade’ esaki of haci algo bunita cu bo por relax cu famia y bo amigonan? Tarita ta mustra 3 manera cu bo por sea haci di un solo biaha of den fase. Busca bo revista FOCUS pa haya tur e tips den Home Trends 2020!
