Bo ta busca inspiracion pa bo camber? Aunke bo no ta biba den un cas multimiyonario of un penthouse apartment manera e celebridadnan aki, bo por toch haya algun idea di nan decoracion. E celebridadnan manera Jennefer Lopez y Johnny Depp nan cambernan ta esplendido na nan manera, artisticamente decora cu mueble- y acesorionan.
JENNIFER LOPEZ
Tin cuater camber den e duplex penthouse di J.Lo na New York, incluyendo e impresionante suite aki cu tin acceso pa un hardin priva den aire liber. E camber tin un hemelbed, un sofa chaise longue, un cashi y cu e mesun color blanco y nuetral cu ta den henter e resto di e propiedad.
NOVAK DJOKOVIC
Novak Djokovic a score un grand slam tempo el a cumpra e propiedad increible aki dilanti lama na Miami. E camber tin un diseño di color neutral crea pa RDAI, cu ta reconoci mundialmente por su trabou cu Hermès. Sliding doors di glas cu ta habri riba e balcon cu ta full rond di e apartamento, ta ofrece e campeon di tennis un bunita bista riba lama for di riba su cama.
ANGELINA JOLIE
Esaki ta un di e seis cambernan di e cas na Hollywood di Angelina Jolie cu ta balora na £ 19 miyon. E camber tin acceso directo na un patio priva cu bista riba e skyline di Los Angeles. E tin mesun decoracion tradicional cu ta resalta den henter e mansion luhoso aki, cu tin tapijt, palo scur y un chimenea.
JOHNNY DEPP
E master bedroom ta un di e highlights di e penthouse di Johnny Depp na Los Angeles, cu tin bentananan grandisimo di vloer te na plafond, y cu un bista excelente di e horizonte di LA. E muraya cubri cu baksteen y pipa, cu ta duna e camber un ambiente fresco y un loft-style. E ta decora cu un arte personal di e coleccion di Johnny Depp.
