Siendo cu Danna ta den su ultimo aña escolar y trahando alabes, locual a motive pa participa e aña aki na e eleccion di Miss Aruba ta door cu esaki semper tabata un di su soñonan desde chikito, pero e no tabata sa cu e lo ta asina pronto. E organizacion di Miss Aruba a acerca Danna y nan a bise, cu e aña aki ta e di 50 aniversario di Miss Aruba y nan ta bay hacie full diferente. Esey a motive, pa reta su mes den algo nobo y el a dicidi di bay p’e.
Su preparacion pa bay participa pa Miss Universe tabata hopi intenso. Danna su dia tabata cuminsa 4.30 di mainta, e ta prepara y bay gym te 6.30. Pa 6:50 e tabata na fundacion Respaldo, cuminsando su trabou como enfermera. Despues di esey e tabata bay les di cabey, pasarela, pregunta cu contesta y Ingles. E tabata yega cas 10.30 di anochi y e tabata prepara tur cos pa e dia siguiente.
Un momento di debilidad pa Danna te cu awor ta ora el a bin Aruba, cu e mester a laga su tata, famia y su amistadnan na Colombia y cuminsa un bida nobo na Aruba. Esey tabata un momento di debilidad, cu e ta keda toch eternamente gradici, paso esey a lage madura y crece como persona, siñando cu tur cos ta bin pa algun rason y paso Dios tin plan grandi pa bo y bo mester djis confia den Dje.
Den edicion di 25 Aniversario FOCUS Reconocimento por lesa e entrevista completo cu Danna Garcia, cu ta ilustra e portada cu su beyesa y carisma. Nos ta desea Miss Aruba tur clase di EXITO awe nochi den e certamen di Miss Universe 2019!
