E candidata cu gana Miss Universo awe nochi lo ricibi un corona na balor di 5 miyon dollar y 167 karat diseña pa e joyero Mouawad. E diseño di e corona nobo “Power of Unity” tin detayenan elabora den oro di 18 karaat y cu mas di 1,770 diamanta. E centerpiece ta un diamanta canary oro di 62.83 Karaat y tin dos diamanta mas chikito corta di e mesun piedra extrai for di Botswana.
E presidente y directora ehecutivo di Miss Universe, Paula Shugart, y CEO di Mouawad, Pascal Mouawad, a delibera riba e colaboracion pa traha un corona pa Miss Universe durante basta aña, pero finalmente nan realisa esaki e aña aki. E famia Mouawad a diseña piesanan magnifico pa realesa rond mundo, segun Shugar, awor nan a diseña un corona pa nan reinanan. E significacion di e adornonan di ‘ivy leaf’ y ‘vine’ ta pa representa e shete continentenan y interconexion di e comunidadnan na mundo, ta e splicacion duna pa Pascal Mouawad.
