E yiu homber di Marlienne Lyder y Lee Croes tabata ‘uitgeteld’ pa 31 december pero el a nace dia 4 di januari ! Maske tur hende tabata bisa nan hopi leuk, posibilidad pa baby di aña, nan mes tabata spera cu e nace un tiki mas despues.Nan tabata hopi ansioso y loco pa conoce e persona cu nan baby lo ta, con e ta fisicamente y con su caracter lo ta.
Nan tabata sa cu nan lo haya un baby mucha homber y su nombernan ta bin di su 2 bisabuelonan: Adrian Salomon . Marlienne a tuma prenatal yoga y esaki a bin cu ne cu 1x pa luna tin diferente ‘couple classes’ y cada tin diferente topico. Tambe ora ta atende diferente charla, cu ta mustra interesante of util pa nan.Marlienne: Online tin un cantidad di informacion cual ta hacie mas facil pa prepara bo mes, maske tin ora net esaki por haci mas dificil. E por yega na un punto cu bo no sa kico pa sigui of no, paso tur hende tin otro opinion. Nos ta mantene un mente habri pa tur cos, pero na mes momento nos ta busca pa sa a base di kico e opinion-/ teorianan aki ta bin y purba na pensa kico lo funciona miho pa nos, nos manera di biba y locual nos ta pensa ta miho pa nos baby. Si despues nos ripara cu esakinan no ta traha pa nos, semper tin posibilidad di purba algo otro despues.
