Revista FOCUS a haci entrega di su Reconocimentonan durante un anochi elegante na Casa Alistaire. Pa e RECONOCIMENTO FOCUS 25 ANIVERSARIO, a scoge 5 hende muher, cada un ta representa un lustro di e revista. Hende muhernan cu un trayectoria interesante y cu tin un mision y vision den bida pa awendia ta un rol model pa otro hende muhernan. Pa di tercer aña ta duna e publico tambe e oportunidad pa scoge 1 hende muher, cu a inspira y motiva nan ricibi e RECONOCIMENTO FOCUS PANTENE.

E cinco hende muhernan cu a ricibi e Reconocimento 25 Aniversario, a haya un obra di e escultora Maritza Erasmus. Maritza a inspira e obra riba nos dushi isla Aruba, p’esey mes el a uza nos bunita santo blanco cu textura ‘rough’ pa refleha nos baranca y e piedranan di coral. Y e color blauw ta pa nos lama na e costa panort di Aruba y e toke silver ta pa e celebracion di 25 Aniversario.

E prome persona cu a ricibi su Reconocimento Focus 25 Aniversario tabata Irene van der Linde. Irene tin awor mas di 40 aña dedicando na su bunita profesion y dunando su aporte na beneficio di salubridad na comunidad di Aruba. Minister Andin Bikker a haci e entrega di e reconocimento na Irene van der Linde.

E siguiente persona cu a entrega su Reconocimento tabata Naline Heilbron, cu ta un empresario social cu su vision ta pa trece un liña di producto 100% natural, cu por produci cu participacion di e personanan cu limitacion. E estilista Roberto Avalo a haci entrega di e Reconocimento na Naline Heilbron.

Yelitza Domacassé-Helmeyer na edad di 8 aña caba, tabata sa cu un dia e lo por a bira dentista. El a sigui su soño y cu diploma den man, el a bolbe Aruba. For di 2009 Yelitza a cuminsa eherce su profesion den su propio consultorio. Yelitza a ricibi su Reconocimento for di Ryan Kock cu ta partner na Atlas Accountancy.

Un persona nada desconoci den mundo empresarial, Osyth Henriquez, a desaroya e proyecto hotelero di Ocean Villas. E ta gusta combina su creatividad den e construccion di su proyecto, pa crea un bungalow y combina su decor unico. Director di KIA, Gino Winklaar, a haci entrega di e Reconocimento na Osyth Henriquez.

E Reconocimento Focus 25 Aniversario a yena Claudia Ponson-Daher di alegria y cu un sentimento di grandi di gratitud. Sin embargo Claudia no por tabata presente pa ricibi su Reconocimento pa motibo di ta den exterior.

Esaki ta di tres aña cu FOCUS conhuntamente cu PANTENE, ta scoge via FACEBOOK e categoria di RECONOCIMENTO FOCUS PANTENE INSPIRACION. Pa aña 2019 ta ricibi e reconocimento: Jaritza Correa. Pa e PANTENE INSPIRATION AWARD e marca PANTENE a ‘team up’ cu Brenchie’s Lab, pa crea un award unico diseña pa Natalia De Windt, cu a tuma 96 ora di 3D printing pa por keda finalisa. E award aki ta representa e esencia di un hende muher cu ta sigur den su piel y ta mira pa futuro cu un plan, positivismo y e disponibilidad pa inspira otro hende muher pa sigui nan soño- y logra nan metanan.  Paso tras di cada muher exitoso tin otro muhernan cu a inspire, guie y apoye.

E nominacion pa Jaritza Correa ricibi e Reconocimento FOCUS PANTENE INSPIRACION 2019 ta pasobra e ta resalta como un hende muhe determina, dispuesto pa tuma risico pa sigui su soño y sali di su confort zone, semper cu disponibilidad pa yuda otro sin pidi nada a cambio, dedica y un excelente ehempel di nunca rindi y sigui crece y evoluciona personalmente. E award a ser entrega na Jaritza Correa pa e brand manager di Pantene na Compra, Ana Maria Ramirez.

Como e maestra di ceremonia a fungi Sue-Ann Ras, cu for di 2002 ta forma parti di e team di Focus y cu ta e portada di e revista di januari. El a luci un bunita creacion di diseñadora Arubiano Gigliola Designs. Como parti di e evento aki, Pantene a crea un area special unda e damanan por a saca potret y ricibi un tas cu algun producto pa despues duna nan ‘review’ di e marca. E aña aki atrobe e ekipo di Elite Productions a haci un set-up fantastico realsando e evento na Casa Alistaire, cu ta un lugar unico band’i lama na Savaneta. E invitadonan a disfruta di un seleccion exkisito di hors d’oeuvres di Aruba Wine & Dine y un bar cu un cocktail special di Jameson Irish Whisky di Pepia Est. Den e seleccion di bebida tabatin diferente marca tanto di Divino, Hodgon Trading como Romar Trading. Sigur un anochi esplendido pa celebra 25 Aniversario di Focus Reconocimento.

LEAVE A REPLY

Please enter your comment!
Please enter your name here