En conexion cu su di 95 aniversario, Aruba Bank a anuncia su kavel decoration contest. E banco comercial pionero a invita comunidad pa uni na e gran celebracion aki, door di participa den nan “Kavel Decoration Contest”. E meta di e contest ta pa promove nos cultura y crea union den pueblo.
Numeroso famia y amistad a uni y a demostra nan creatividad durante e periodo di Carnaval 66, cu e logo di Aruba Bank celebrando 95 aña riba nan trailer. E trailer ganador a bay pa Kavel 13 (Famia Angela), na di dos lugar a keda Kavel 67 (Famia Figaroa) y na di tercer lugar a keda Kavel 70 (Famia Maduro). Palabra di pabien ta bai un biaha mas na tur persona cu a participa cu nan trailer dorna den e Kavel Decoration Contest.
