Cuminsando desde 2 di april 2020, Raf Simons lo join e marca Prada como co-director creativo, trahando den asociacion cu Miuccia Prada cu mesun responsabilidadnan pa e aportacion creativo y den ‘decision-making’. E prome coleccion di Prada diseña pa Miuccia Prada y Raf Simons lo ta Spring/Summer 2021 presenta na Milan na september 2020.
E asociacion aki, incluyendo tur e facetanan creativo di e label di Prada, a nace for di un profundo respeto reciproco y di un combersacion habri: E ta un decision mutuo, proponi y determina pa ambos parti. E ta habri un dialogo nobo, entre diseñadornan ampliamente reconoci como dos di e mas importante y influyentenan den actualidad. Conceptualmente e ta tambe un enfoke nobo na e definicion di e direccion creativo pa un ‘fashion brand’ – un desafio fuerte di e idea di e singularidad di auteurschap creativo, mientras tambe e ta un esfuerso audaz di e importancia y poder di e creatividad den un panorama cultural cambiante. Manera cu tempo ta cambia, asina tambe mester ta cu creatividad. E sinergia di e asociacion ta di gran alcance. E un reaccion di e era den cual nos ta bibando: un epoca cu posibilidadnan nobo, cu ta permiti un punto di bista y un enfoke diferente na e metodologianan estableci. Tambe por mire como e prome paso na e alcance mas amplio di interaccion: un inicio di intercambio y colaboracion liber, un cuestionamiento di convencionnan creativo.
