Niun cuenta cu bo a scucha prome no tin un testimonio asina puro tocante forsa profundo di conexion entre hende manera e storia cu tin tras di Take Flight. Cu e single nobo Levi Silvanie, e artista Yiu di Corsou – despues di tabata tres aña ausente den e mundo farandulero ta regresa. E single no tin solamente un historia special su tras, pero tambe un mensahe.
Casi 8 aña pasa Levi a skirbi e cantica Take Flight. Na aña 2012, un aña despues cu el a perde un bon amigo door di un accidente di trafico y mesun aña cu su compromiso cu su prometido a termina, ta e aña cu el a skirbi e cancion aki. Ironicamente, y kisas pa e motibo aki, Take Flight ta trata e forsa di e conexion entre hende y e acto di surpasa tur miedo di forma e conexion aki.
‘Take Flight’ ta explora e acto di ta dispuesto pa stima otro. Tur hende ta unico y pesey tin biaha nos mester pone e miedo di yega cerca e otro y stima otro un banda’, Levi ta conta. ‘Taking flight’ no mester nifica bula for di un avion of un otro acto substancial. Levi ta kere cu pa nos por soluciona e cuestion aki nos tin cu primeramente siña conecta cu nos mes y tin stimacion propio. Mas bo ta den conexion cu bo mes, mas lo bo siña conoce bo forsa interno, bo capacidad pa crece den e bida aki, y kere cu tur cos lo bini bon ni maske kico pasa. Loke ta bunita di tur esaki ta ora cu bo siña conecta cu bo mes, bo lo reconoce bo mes den tur loke bo haci y tambe den tur hende cu ta rond di bo.
Net paso nos ta bibando den un sociedad cu ta birando mas multicultural, e tema conexion cu Take Flight ta bay tocante di dje ta asina actual. Esaki lo bo por mira tambe den su proximo videoclip cu ta regisa pa Shariff Nasr y produci pa André Freyssen di Video Agency. Nos lo por bay mira e amistad no masha comun entre un mucha homber, cu a perde su yabi di cas y cu ta slenter anochi den cayanan di Rotterdam, y un homber cu ta biba riba caya cu ta yud’e regresa su cas. Den e clip tambe nos lo mira con nan ta crusa diferente hende na caminda, cu na nan propio manera, ta descubri nan forsa interno, y ta den un fase importante di nan bida. Diripiente, e hendenan aki ta transforma den un grupo di parhanan chikito cu ta bula bay – un transformacion cu ta simbolisa e forsa cu nan a descrubri.
