E fecha di 29 di juni 2019 sigur nunca mas Ichelle Simon lo lubida!

Na ningun momento el a spera cu memey di e concierto di Silvestre Dangond, Dennison Oduber  ta bay hinca rudia y saca e renchi memey di tanto hende pa pidie pa casa cu ne. Den edicion di revista FOCUS di e luna aki, Dennison ta comparti con el a bin na e idea pa haci e proposicion y con el a planea e momento asina special pa ambos.

FOCUS a hunga un rol importante con Dennison y Ichelle a conoce otro. Nan ta conta con e prome encuentro tabata y nan prome impresion ora nan topa otro. Con e contact a sigui entre ambos y nan prome ‘date’. Despues di casi 10 aña cu nan ta hunto y tabata un sorpresa pa nan tur, cu Ichelle a sali na estado di Dennise Idelle Marie. Busca bo revista FOCUS y lesa tur e detayenan di e bunita storia di amor di Ichelle & Dennison y #IDOwedding2020.

LEAVE A REPLY

Please enter your comment!
Please enter your name here