Major Caluan Ematt, Andrew Jack, e dialect coach di Lord of the Rings, a fayece na edad 76 aña pa complicacionnan causa pa coronavirus COVID-19. E representante di e actor, Jill McCullough, a informa den un comunicado pa Evening Standard cu el a muri diamars mainta den un hospital pafo di Londres como resultado di e complicacionnan, cu el a desaroya pa causa di e enfermedad respiratorio mortal aki.
“E casa di Jack, Gabrielle Rogers, no por tabata hunto cu ne na Inglatera door cu e ta den cuarentena na Australia. E no por a wak ni papia cu ne na final di su bida y ta existi e posibilidad cu no lo tin un funeral. Andrew tabata yen di bida: e tabata halto y yamativo cu su cabey blanco y bo no ta perde si e cana drenta un lugar”, segun McCullough.
Su casa Gabrielle a skirbi riba su Twitter: “We lost a man today. Andrew Jack was diagnosed with Coronavirus 2 days ago.”
Su costar di Star Wars, Greg Grunberg, a honra Andrew Jack riba Twitter, skirbiendo: “Devastated to hear of the passing of the wonderful, talented, beloved gentleman #AndrewJack.”
