Beyesa ta sin duda mas cu apariencia fisico! E supermodelo Gisele Bündchen y su mama tin esey hopi cla, y ta comparti algun di nan secretonan di beyesa con pa mustra fabuloso sin worry cu edad. Un di e bentahanan di #shelter in place ta awendia mas cu nunca, cu nos tin cu consenti nos mama y lag’e sinti special. Un manera ideal ta sigur pa recorda con bunita e ta di paden y pafo, y tumando nota di su consehonan di beyesa mescos cu e supermodelo a haci.
Gisele Bündchen, e musa di e linea nobo di Dior ‘Capture Totale’, y su mama a revela den un combersacion yena cu confiansa y amor nan vision riba beyesa. Den un serie di clips cortico, e combersacion tabata tocante e conexion cu naturalesa y kico di berdad ta importante den e bida diario. Ademas e mama di Gisele, ta sigura cu beyesa ta bin di paden y sin importa bo edad. Semper bo por mustra bon y bunita! Gisele ta e embahadora perfecto pa e linea ‘Capture Totale’ cu ta concentra e tecnologia di e celula mama y e semper iconico ciencia floral di Dior. Mama y yiu ta invita nos pa semper tin e costumbernan positivo y biba di acuerdo cu nan.
