Un grato sorpresa den estilo di un ‘Surpise Drive-thru Baby Shower’, Jovêlle Castro a ricibi diadomingo durante oranan di atardi. E futuro wela, Valery Peterson, tabatin un surprise baby shower organisa pa tuma lugar dia 19 di April na Pure Ocean, pero esaki a keda cancela door di e coronavirus crisis y shelter in place. Aunke henter e idea di un baby shower cu su toke special y chic no por a sigui, a pone ‘plan b’ den accion y organisa un ‘drive-thru’ surprise baby shower hopi unico, dibertido y yen di regalo pa e ‘Baby Girl’.

Jovêlle ta traha como maestra pa muchanan cu limitacion di bista y el a specialisa den e ramo aki bou di e guia di FAVI. Aki el a siña e ortografia di braille y con pa adapta material didactico. E tabata trahando for di cas y esey cu embaraso tabata bay un poco pisa, principalmente den e tercer trimester. Jovêlle su zwangerschapsverlof a cuminsa oficialmente diabierna y FAVI a post un mensahe tambe riba nan facebook page, deseando un #happymaternityleave.

E baby ta uitgeteld pa dia 13 di juni, pero e por yega cualkier momento desde 37 siman cual ta un djis. Durante e temporada di COVID-19 pa Jovêlle e cuido pa su salud tabata hopi estricto y desde maart e no a ni bay supermercado. Cierto momento e tabata sinti hopi laaf cera paden, p’esey sin duda cu el a encanta y disfruta di e sorpresa diadomingo. E colornan roos di e ‘Baby Girl’ a resalta den color di blaas, bolo y cookies cu a reparti na e grupo chikito di invitado.

LEAVE A REPLY

Please enter your comment!
Please enter your name here