E bishitantenan di The Casino at The Ritz-Carlton, Aruba por bay disfruta di un experiencia superior den un atmosfera mas fresco y saludabel. E casino a anuncia nan decision pa bira un ‘non-smoking’ casino ora nan bolbe habri na luna di juni, como parti di hotel y casino su enfoke riba limpiesa. Nan lo bira asina tambe e prome casino ‘non-smoking’ di Aruba!
“Nos a tuma e decision boluntariamente pa haci nos casino ‘non-smoking’ pa e bienestar di nos huesped-, bishitante-, dama- y cabayeronan di The Ritz-Carlton, Aruba.”, ta e bon noticia cu Sr. Steven Redkoles, Area General Manager di The Ritz-Carlton, Aruba a comparti. “Nos normanan di exigencia a wordo eleva na un nivel aun mas halto. Dia cu hotel y casino bolbe habri na luna di juni, nos lo haci esaki cu e enfoke maximo di crea un ambiente mas fresco y saludabel”.
The Casino at The Ritz-Carlton, Aruba, preferi pa su bishitantenan como e miho experiencia di casino na Aruba, ta ofrece e miho Tier Program cu beneficio y eventonan unico, servicio personalisa, diferente wega di mesa y un seleccion grandi di e ultimo slot machines, entretenimento – y awo, un ambiente completamente liber di huma.
E team di The Casino at The Ritz-Carlton, Aruba ta ansioso pa ricibi pronto tur su bishitantenan. Pa mas informacion tocante The Casino at The Ritz-Carlton, Aruba, por bishita www.ritzcarlton.com/aruba of por tuma contacto cu e Casino VIP Desk na 527-2276 / 527-2277.
