For di algun luna caba tabata circula e rumornan cu Lady Gaga ta tumando tratamento pa sali na estado. Un fuente hopi cerca di e pop superstar ganado di Grammy y Oscar, a comparti cu Radar Online algun siman pasa cu Gaga tin ‘baby fever’ y no kier keda warda riba un homber. Wel Lady Gaga no ta soltero mas. E date e socialite di Silicon Valley, Michael Polansky, desde principio di aña aki.
E popstar ta mustra di a join e lista di e celebridadnan cu a sali na estado durante cuarentena. Door di e pandemia COVID-19 hopi artista mester a cancela nan gira y entre nan tambe Lady Gaga, cu tabatin e promocion di su album programa. Sin embargo ta parce cu e cantante tabata traha desde su cas, pero tambe disfrutando di un honeymoon cu su guy. Nan a wordo capta saliendo pa cumpra cuminda, pero loke mas a hala atencion ta e bariga di Lady Gaga, y di unda e rumornan a start cu e artista ta na estado. E siguidonan di Lady Gaga riba Instragram a comenta cu simplemente el a subi di peso durante e cuarentena.
