E Dukese di Sussex a elabora riba e importancia di ‘edifica mutuamente’ mientras cu e tabata duna su discurso cu pasion na e apertura di e cumbre virtual “Girl Up Leadership Summit’ awe. Papiando for di su cas na Los Angeles, Meghan Markle, a bisa e hobennan cu nan generacion hopi biaha ta wordo referi na nan como nativonan digital, y cu nan por compronde cu nos mundo online tin e poder di afirma y apoya mes hopi como perhudica. Nos no ta destina pa kibra otro, nos ta destina pa construi mutuamente.
P’esey nan mester uza nan stem ‘on-and-offline’ pa exactamente haci esey; “construi mutuamente, apoya mutuamente. Semper lo tin stem negativo y tin biaha e por parce ‘outsized’ y tin biaha e por parce fuertemente doloroso. Por y uza bo propio stem pa anula e sonido. Pasobra esey ta loke e ta, djis un sonido. Pero e stemnan ta e berdad. Y speransa. Y e stemnan di e hobennan mester por y mester ser mucho mas fuerte.
E Dukesa a papia tambe di e movimento Black Live Matter, bisando cu e miembronan di Girl Up ta organisando protestanan rond mundo, nan ta creando pelicula pa encurasha nan compañeronan pa converti den lidernan activista, nan ta reformando e sistema di husticia penal, nan ta bisa e consehonan escolar cu mester mas recurso di salud mental pa tur edad, cu nan ta lidera coalicionnan pa pone fin na violencia arma. E hobennan mester lanta para y exigi ser scucha, sí, pero tambe exigi pa nan ta doño di e conversacion.
