Sony/ATV Music Publishing Beneluz a anuncia cu nan a firma un acuerdo editorial exclusivo na nivel mundial cu e compositor, productor y artista, Ir Sais. Conoci pa su cancion exitoso, ‘Dream Girl’, cu a wordo crea pa Ir Sais mes den Papiamento. E cantica a inspira e Dream Girl TikTok Challenge, cu eventualmente a logra mas di 4 million di streams riba TikTok. Recientemente su single a aparece den un remix cu Sony Music Entertainment su superstar Puertorriqueno, Rauw Alejandro. Desde ‘Dream Girl’, Ir Sais a acumula mas di 300,000 subscribers riba Youtube y tambe el a haya un posicion top riba Spotify Global Viral Chart.
Papiando riba e deal, Niels Walboomer, cu ta e managing director di Sony/ATV Music Publishing Benelux, a bisa: “Sony/ATV ta sumamente orguyoso di representa Ir Sais hunto cu su manager Veikko. Biniendo di un isla chikito den Dutch Caribbean, Bonaire, el a captura fans cu su canticanan increibel y autentico. Nos ta emociona pa uni hunto cu Ir Sais mientras e ta haci su lenga materno, Papiamento, scucha ful rond mundo. Papiamento pal Mundo, Ir Sais for the world!”.
Manager Veikko Fuhrmann a bisa: “Ora mi a descubri Ir Sais y su cantica ‘Dream Girl’ den un lista di e canticanan viral na Panama dos aña pasa, el a ricibi mi den su famia y a mustra mi su talento como compositor, productor y areglista. El a crea su propio genero unico, cu su zonido original y den su lenguahe Papiamento. Mi ta emociona pa tin Niels y su equipo na Sony/ATV Benelux uni cu nos mientras nos ta apoya Ir Sais y su carera”.
Ir Sais a surgi pa prome biaha na 2010 ora el a lansa su prome cantica ‘Schatje Zeg Maar’. Desde eynan, su albums ‘Heat’ y ‘Deeper y Deeper 2.0’, a acumula mas cu 100 million di transmision y views. Ir Sais a agrega: “Mi a skirbi mi prome cantica ora mi tabatin 12 aña, y mi a keda un creador desde e tempo ey. Ora mi a muda di Boneiro pa Hulanda, el a habri mi wowonan den e parti comercial di e industria di musica. Mi ta hopi emociona pa uni cu e famia di Sony/ATV, e editor number 1 di mundo, y mi ta hopi emociona pa colabora cu mundo!”.
