Aruba Bank ta conoci den comunidad pa e gran sosten na deporte na Aruba. Nan ta sostene Aruba Soccer Academy cu uniform pa e muchanan entre e edad di 4 y 16 aña. Aruba Soccer Academy ta un scol priva di futbol estableci pa brinda e muchanan di Aruba e oportunidad di desaroya nan habilidad pa bira miho hungadonan di futbol. Alabes tur aña Aruba Soccer Academy ta organisa e soccer camp di full un siman cu ta tuma lugar e aña aki entre dia 20 y 24 juli 2020.
Den e campamento aki e muchanan lo ricibi guia for di diferente coach di futbol certifica. E coachnan lo duna varios training y actividad cu lo mehora e habilidad di muchanan individual como den grupo. Aruba Bank ta orguyoso di sigui sostene e crecemento di e muchanan den deporte y a demostra esaki un biaha door di sostene Aruba Soccer Academy.
