Mariah Carey y su mama Patricia Carey (Getty )
E nomber di Mariah Carey ta memey di un polemica nobo despues cu su ruman, Alison, a denuncia e mama di ambos pa supuesto abuso sexual. Segun un corant britanico, Alison a acudi na e Corte Supremo di New York pa duna cuenta di e aparente abusonan, cu el a sufri door di a wordo forsa pa mantene relacionnan sexual di distinto indole cu hendenan straño tempo cu e tabatin solamente10 aña di edad.
E rumannan no ta papia cu otro pa casi 20 aña
Patricia Carey yegando Radio City Music Hall pa presentacion di Mariah Carey na 2019
E ruman di e cantante a splica cu recientemente el a keda diagnostica cu un trastorno di stress post-traumatico, mesun cu el a desaroya durante varios decada y cu supuestamente a origina den su infancia despues di e explotacion cu el a biba na man di su propio mama, cu a ofrece tempo e tabata un menor na cierto ‘ritualnan satanico’ cu a implica tur tipo di practica sexual tanto cu adulto como cu menornan.
Patricia Carey hunto cu Mariah
Esun acusa, cu ta e mama di e denunciante, tabata permiti y anima un serie di homber pa participa den actonan sexual cu bou e leynan di e estado ta constitui diferente delito di caracter sexual. Den su demanda, Alison Carey, cu a yega di traha como prostituta y a contagia cu VIH mientras e tabata biba riba e cayanan di New York, ta exigi un cuantioso compensacion cu e obhetivo pa disminui te na cierto punto e ansiedad, stress y depresion cu el a sufri durante varios aña door di e hechonan lamentabel aki. Alison Carey ta separa di su ruman, e superstar Mariah y nan mama, un ex cantante Irlandes-Mericano di Metropolitan Opera.
