E periodista María Celeste Arrarás a keda exclui for di NBCUniversal Telemundo Network, como parti di e retironan masal cu e compania di media a cuminsa e siman aki. María Celeste Arrarás ta hopi conoci den e televidentenan di habla spaño. El a uni cu Telemundo na 2002 y tabata presenta e programa ‘Al Rojo Vivo con María Celeste’. Prome cu esey, Arrarás tabata un di e streanan mas briyante di Univision Network, unda el a presenta ‘Primer Impacto’, un revista di noticia cu un trayectoria largo. E popular presentadora a skirbi riba su Instagram, cu un profundo tristesa e kier informa cu diamars tabata su ultimo dia cu ‘Al Rojo Vivo’ y riba e pantaya di Telemundo. Cu e compania a informe cu nan a dicidi pa hiba e programa na un direccion diferente debi na e cambionan door di e pandemia, y cu e no ta parti mas di e espectaculo.

Un portavoz di Telemundo tambe a confirma cu Maria Celeste Arrarás ya no ta cu e red di television. Telemundo a dispidi tambe Rashel Diáz, presentadora di e programa matutino ‘Un Nuevo Dia’. E tambe a confirma cu su siguidornan riba su rednan social, cu tabata su ultimo dia di trabou y su prome paso tabata pa papia cu su famia y comunica cu nan loke ta pasando. Diferente ‘anchors’ na e stacionnan di television full rond di e pais tambe a perde trabou, incluyendo Ana Patricia Candiani, presentadora principal di KVEA-TV Channel 52 na Los Angeles. E tambe a gradici via su Instagram pa e confiansa di su televidentenan pa 9 aña y 7 luna, cu a permitie informa nan a traves di e canal. El a gradici tambe tur su coleganan pa e trabou den ekipo, cariño y solaridad, y Telemundo52 pa e oportunidad y pa kere den dje.

Telemundo ta un unidad di NBCUniversal, propiedad di e imperio Comcast Corp. E compañía tabata tambaleando desde e shutdown door di coronavirus, cu a obliga nan pa cera e parkenan tematico di Universal Studios, un stop den produccion di TV, pelicula, lansamento di pelicula y lunanan largo di break di di e eventonan deportivo live. Comcast a informa siman pasa cu NBCUniversal den e segundo kwartaal a cay cu 25% pa $ 6,1 miyon door di COVID-19 y cancelacion di propaganda cu a afecta e panorama financiero di e compania. NBCUniversal a bisa cu nan ta planea pa reduci nan forsa laboral full-time di 35,000 pa menos di 10%. E realineacion ta destina pa baha gasto y transferi e recursonan pa NBCU cu recientemente a lansa, Peacock app, un ‘streaming service’ cu casi 10 miyon consumidor a download e aplicacion.

LEAVE A REPLY

Please enter your comment!
Please enter your name here