Dayana Mendoza (34), Miss Venezuela 2007 y Miss Universe 2008, a comparti riba su Instagram cu e ta den un faceta nobo di su bida. El a post su video y potretnan di su bautismo Cristian y el a bisa cu e kier comparti cu su siguidonan, un di e momentonan mas grandi den su bida. Semper e tabatin un conexion inmenso cu DIOS, y sintie atrai na Hesus y siña di Dje. E Miss Universo ta sigui conta cu aunke e tabata busca den luganan ekiboca pa falta di conocimento, unda e berdad eterno no ta duradero y e bendicion di Dios no ta presente. Nunca e tabatin duda di su sentimentonan pa Nos Salbador y nunca a perde e deseo di ta mas cerca di Dje y el a sigui busca.
Dayana a skirbi: “La iglesia Cristiana me ha dado tanto, tantas enseñanzas, ¡tantas respuestas! El por fin conseguirme, obtener las respuestas en Jesús, sentir la gran bendición de este llamado, de sentirme elegida, poder bautizarme en aguas como lo ha hecho nuestro Salvador Jesucristo, y ha querido nuestro Dios para todos sus hijos, es uno de los milagros más grandes que Dios ha hecho en mi vida”. Mendoza a nace na Caracas, Venezuela y ta mama di un yiu muhe, Eva Mendoza Pagana, naci na New York. E ex- Miss Universo a participa den diferente actividad pa colecta articulonan di prome necesidad y alimento. Dayana den su adolescencia a ser secuestra na su pais natal, y el a declara cu e trauma cu el a experimenta a siñe pa keda trankil bou di presion. E reina di beyesa a participa na 2012 den e famoso reality show, ‘The Celebrity Apprentice’, di e magnate y actual president di Merca Donald Trump.
