E di 74 Tony Awards cu mester a tuma lugar dia 7 juni 2020 a wordo cancela, esaki debi cu for di maart Broadway tabata cera. E preguntanan ki dia y con Tony Awards lo tuma lugar a keda den incertidumbre pa e comunidad di Broadway. Pero finalmente e bon noticia a yega! E organisadornan di Tony Awards a anuncia cu pa prome biaha den historia esaki lo ta online. E cambio pa bay online ta pa algun emocionante pero ta confundi otronan. Diferente musicals grandi incluyendo Six, Mrs. Doubtfire, West Side Story, Girl From North Country, Diana, Company y mas, no lo bin na remarca. E musicals cu si lo wordo considera ta inclui Moulin Rouge, Tina, Jagged Little Pill y The Lightning Thief. E Tony Awards lo tuma lugar den otoño, con y na unda ainda ta wordo discuti.
Den un comunicado, Charlotte St. Martin, presidente di e Liga di Broadway, y Heather Hitchens, presidente y director ehecutivo di e American Theatre Wing a declara: ‘’Aunke eventonan sin precedente a corta e temporada di Broadway 2019-2020, tabata un aña yena cu trabounan extraordinario cu merece wordo reconoci. Nos ta encanta di no solamente di por a haya un manera pa celebra adecuadamente e increibel logronan di nos artistanan di e temporada, sino tambe pa por eleva henter e comunidad teatral y mustra mundo kico ta haci nos famia di Broadway asina special den e momento dificil aki. Apesar di tur cos ‘The show must go on’, y asina lo bay ta”. E di 74 entrega anual di Tony Awards lo wordo emiti den otoño y nos ta keda pendiente di e evento internacional aki.
