E single mas reciente di Esha, ‘Feels’, a ser skirbi for di inicio di 2020, y lansa riba tur ‘streaming platforms’ manera Spotify y Apple Music na mei. Despues di a lansa e cancion riba tur e plataformanan, e video musical oficial a keda lansa siman pasa. Desde chikito Esha tabatin cantamento como su pasion, pero realmente na 2015 el a cuminsa practica canto cu mas seriedad. Su prome EP album ‘Beautiful’ tabata mas un diario personal, lansa na 2016 y su segundo album ‘Dangerous’ na 2017 tabata mas comercial. Esaki a trece experiencia maraviyoso pa Esha unda el a forma parti di e ‘opening’ pa e artistanan manera Maluma, Alicia Keys y Nicky Jam.
Despues di experimenta tanto, Esha mester a cambia su focus pa su scol y su mes. Durante e ultimo tres añanan, Esha tabata traha riba su album mas nobo y ta hopi emociona cu e por a comparti esaki cu su fans. Finalmente e ta sinti ken e ta como artista y ta cla pa sigui lansa musica cu ta fit den e mold aki. A pesar cu constantemente cosnan ta cambia door di e pandemia di coronavirus, Esha ta spera di lansa pronto un album nobo. Pa e video musical oficial, Esha a acerca un grupo di persona pa yude produci y haci e video. E hoben cantante a bisa cu ‘Feels’ ta un video musical cu ta describi amor den su forma mas berdadero. ‘Feels’ ta disponibel riba tur e plataformanan di ‘music streaming’, incluyendo Spotify. Por sigui Esha riba Facebook y Instagram @eshamusic y por haye tambe riba su canal di YouTube of na eshaofficial.com.
