E strea di American Idol y e actor di Pirates of the Caribbean ta e mayornan orguyoso di nan baby Daisy Dove Bloom. E yegada di e prome yiu di Katy Perry y Orlando Bloom a ser anuncia a traves di UNICEF, e organisacion cu ambos ta embahador di bon boluntad. Nan a comparti un potret blanco y preto, cu ta mustra e recien naci wantando e dede di su tata mientras Katy tin e pols di Daisy teni. Esaki ta e prome yiu di Katy y di dos di Orlando. E strea di Pirates of the Caribbean ta tata di Flynn, di nuebe aña, cu e ta comparti cu su ex-casa Miranda Kerr.
Aunke nan no a revela hopi detaye riba e yegada di Daisy Dove, e mayornan a confirma cu nan a ser bendiciona cu un nacemento ‘peaceful’, agregando: “Pero nos sa cu nos ta afortuna y no ta tur hende por experiencia un parto den asina un trankilidad manera esun di nos”, e pareha a bisa. Katy y Orlando tabata mantene nan fans informa riba e embaraso durante e lockdown. Na juli e strea di American Idol a comenta tocante e nomber di cariño cu e tin pa su yiu muher durante un entrevista. E cantante a bisa cu tin ora e ta yame ‘Kicky Perry’ y cu e ta encanta hunga cu palabra.
