Brad Pitt a yega awe aeropuerto Charles de Gaulle na Paris pa topa cu su pareha nobo, cu a yega for di Berlin pa hunto sigui den un vuelo priva cu destino pa Sur di Francia. E acompañante di e actor ta e modelo Nicole Poturalski di 27 aña, cu ta aleman y naci na Berlin. Nicole ta traha pa tres agencia di modelo: A Management, Official Models y NEXT Models, y pa su trabou e ta pasa biahando alrededor di mundo. Paparazzi a saca potret di Brad Pitt y Nicole Poturalski bisti cu masker y bril di solo, ora nan a baha for di un auto cu chauffeur pa aborda e jet priva.
Hopi siguido di e modelo ta puntrando si e mucha homber aki ta su yiu
Brad y Nicole ta aki durante e concierto di Kanye West
Chateau Miraval, e residencia na Francia di Brad y Angelina
Pitt no ta desconoci cu Sur di Francia, unda na 30 miya di Le Castellet Airport e tin Chateau Miraval, un propiedad hunto cu su ex-casa Angelina Jolie y cu nan ta uza pa run nan negoshi di biña frances. Aunke no ta mucho cla cuanto tempo e pareha ta ‘date’ secretamente, DailyMail a señala cu nan relacion ta for di november 2019, unda nan tabata hunto den e VIP box durante e presentacion di Kanye West’s na Hollywood Bowl na Los Angeles. Na comienso di luna, Poturalski a anuncia riba su Instagram cu e ta riba e portada di Elle Germany su edicion di september 2020.
