Un tipo di coronavirus cu un mutacion ta ser bisa cu ta 10 biaha mas infeccioso, a ser haya na Indonesia manera cu e casonan ta aumentando na e pais. Indonesia a reporta 2.743 infeccion nobo awe, elevando e total na 174.796, segun e datonan di su ministerio di salud. E mutacion D614G di e virus, cu a ser describi como ‘infeccioso pero mas leve’, a ser haya den e muestranan di ‘genome sequencing data’ colecta pa e instituto, segun e sub-directora Herawati Sudoyo, cu a agrega cu ta rekeri mas estudio pa determina si esaki tin algo di haber cu e reciente aumento di e casonan.
E ‘strain’ D614G, segun World Health Organization a ser identifica na februari y tabata circulando na Europa y America, tambe a ser haya cerca na Singapore y Malasia. E director general di salud di Malasia, Noor Hisham Abdullah, a bisa cu e ‘strain’ D614G detecta eynan tabata 10 biaha mas infeccioso. Syahrizal Syarif, epidemiologo di University of Indonesia, a advirti cu nan mester keda atento, ya cu e pais su cantidad di caso por aumenta pa 500.000 pa fin di aña. E situacion ta grave… E transmision local actualmente ta for di control, cu e cantidad di e infeccionnan haya diariamente por ta hopi mas halto, si e laboratorionan por a procesa mas muestra den un dia.
E capital, Yakarta, a registra diadomingo un aumento record diario di mas di 1.000 caso, cu e gobierno di e ciudad a relaciona cu un mayor cifra di mobilidad durante un celebracion di independencia memey di augustus. Segun un funcionario di Jakarta Health Agency, ta necesario pa tin consciencia y esfuerso colectivo, ya sea di e gobierno of e hendenan, referiendo na e creciente number di e casonan’, urgiendo e hendenan pa keda cas y bisti un ‘face mask’ ora nan mester sali riba caya.
