Rare Beauty ta e marca di beyesa di e pop star, Selena Gomez, cu tin como proposito pa saca e miho version di cada ser y apoya su fundacion Rare Impact. Rare Beauty ta surgi cu e idea pa haci cu e hendenan ta sinti bon cuidando nan cutis y utilizando e productonan di makiyahe, pero sin laga nan esencia y pa semper sigui ta nan mes.
E fundacion Rare Impact ta sostene e hendenan cu tin problema di salud mental. Su obhetivo ta pa yega na 100 miyon dollar den e siguiente dies aña, pa yuda e servicionan cu ta duna na e hendenan cu dicho caracteristica den e comunidadnan marginal. For di e benta di e productonan di beyesa lo destina 1% na e fundacion pa aumenta e accesonan di e recursonan pa salud mental, y tambe tur e recaudacion di fondo cu lo wordo haci.
Esaki no tur loke nan ta bay aporta, pero tambe a crea Rare Beauty Mental Health Council, cu ta consisti di un comision di experto di universidad- y organisacionnan specialisa den salud mental, y asina yuda cu e strategia di e linea di beyesa por tin un impacto positivo mas grandi. Den un video publica riba su pagina, Selena Gomez a mustra con hunto cu su ekipo nan ta realisando e pruebanan di color y textura, cu ta duna e indicacion cu e productonan protagonista lo ta lipstick, blush y productonan di makiyahe en general.
