Durante e luna di september, Aruba Bank a celebra su di 95 aniversario. E departamento di recurso humano na e banco, a introduci iniciativanan pa e empleadonan por a disfruta di e gran celebracion na un manera sigur.
E esfuerso a enfoca riba creatividad y trabou den ekipo. Entre otro a introduci competencia di decoracion di tapaboca caminda cu e creatividad di e empleadonan a sobresali. Departamentonan a decora e diferente portanan di oficina na tur sucursal di Aruba Bank. Aki trabou den ekipo a hunga un rol hopi importante pa por a ehecuta e tarea. E panel di hurado tabatin un trabou dificil pa saca e ganadornan.
E empleadonan a haya e oportunidad tambe pa demostra nan talentonan scondi. Esaki por tabata talento scondi den cushina te cu un talento scondi den arte, canto of baile. Esaki a wordo comparti via imagen of video. A clausura e luna di celebracion cu un dushi treat y un mira riba e celebracion di e aña venidero den bon salud y den union di e famia di Aruba Bank, DEN GRANDI!
