Fundacion General pa Cuido di Hende Grandi Aruba, ta conoci pa ofrece servicionan di cuido intramural pa hende grandi cu problemanan psycho-geriatrico y malesonan cronico complica. Durante di e pandemia SABA a encontra numeroso reto, entre otro, deficiencia di material pa desinfecta, como tambe tapaboca pa yuda evita contagio entre e hende grandinan bou di nan cuido.
Aruba Bank a duna un man na e fundacion y a haci un donacion di tapaboca pa aporta pa yuda preveni mas caso y protehe e demas empleadonan y residentenan. Den momentonan di necesidad ta importante pa para schouder cu schouder pa yuda esunnan mas vulnerabel den nos comunidad. Aruba Bank ta satisfecho di por a duna un man na SABA.
