Antes bo baño tabata dijs un espacio di funcionalidad mas den bo hogar. Awendia e ta un di e ‘vocal points’ di cualkier cas, cu ta fungi pa hopi di nos como un “retreat”. Den caso di benta of compra di cas por consider’e te hasta un di e partinan primordial di un cas, hunto cu e cushina. No tin nada mas dushi pa yega cas y dal un baño den bo baño ‘cozy’, cu te hasta por sinti manera un spa.

Con nos por logra esaki? Semper sa di antemano, kico ta loke ta pone abo y bo famia sinti mas comfortabel. Tin hende gusta e colornan suave y cla y otro ta gusta e colornan mas scur cu ‘dark wood’, cu ta pone nan sinti na cas. Antes tabata usual pa pone tegel completo den baño, pero awo nos ta wak hopi diseño cu ta pone tegel solamente den e douche area y kisas ta añadi un ‘accentwall’ na e muraya di e labamano.

Bo por scoge pa un tono of tipo di tegel of bo por combina esaki. E look di e tegelnan di palo ta facilmente uza na muraya of vloer, pa duna e baño un ‘warm look’. Esaki combinando cu tegels di por ehempel 60×60 of 30×60 na muraya, pa bo yega na un diseño unico.

Loke sigur no por falta awendia den baño ta e efecto di luz. Nos ta wak e simpel luz den memey di e plafond ta reemplaza pa un luz cu ta colga of spotlight. Tambe loke ta duna un efecto bunita ta e luznan led na rand di e plafond ariba. Si bo no pone un luz cu ta colga den memey, bo por pone como un toke den e baño, un luz cu ta colga na e spiel di e labamano, cu ta keda sigur hopi bunita y moderno.

LEAVE A REPLY

Please enter your comment!
Please enter your name here