Den e episidio nobo di Red Table Talk, Gloria Estefan a comparti un di e momentonan mas duro cu e famia a biba, y cu a haci e relacion di mama y yiu a tambalea. Gloria Estefan a confesa tocante e homosexualidad di su yiu muhe Emily. Despues cu esun cu ta conduci e programa, Lili Estefan, cu tur sinceridad a papia con duro su divorcio tabata den un sesion di e programa di Red Table Talk: ‘The Estefans’, awor tabata e turno di Emily y Gloria. Den e capitulo mas reciente nan a papia sin reserva riba e dia cu e cantante a haya sa di e orientacion sexual de su yiu muhe.
Un momento cu leu di ser grato pa e hoben, e tabata menos agradabel door cu Emily, cu tambe ta artista a spera mas comprension di parti di su mama. Emily a bisa su mama: “Mira, mi ta cu e chick ey”, y prome cos cu Gloria Estefan a bise ta, cu si su wela muri ta su culpa… Eynan e dolor di Emily a cuminsa, nunca e lo bay lubida esey. Den e momentonan ey tabata evidente cu Gloria no a compronde door di kico su yiu tabata pasando. Ademas e tabatin miedo di e relacion cu e tabatin cu su mama cu ta hopi conservador y cu tabata grave di salud. Gloria Estefan tabata simplemente protegiendo su mama di cualkier disgusto cu por afecta su salud y tambe e situacion cu por afecta Emily su relacion cu su wela, e cantante a splica cu tur sinceridad.
