E cantante spaño lo ricibi e reconocimento pa su innumerabel logronan, su popularidad y aporte a traves di su carera durante e gala di Billboard Latin Music Awards 2020, diaranson 21 di october. Enrique Iglesias lo ser honra cu e premio ‘Billboard Top Latin Artist of All Time’, cu awe a ser anuncia pa Telemundo y Billboard a traves di un comunicado.
Cu un total di 27 titulo riba posicion number uno di e lista di Billboard Hot Latin Songs, Enrique a logra e record como e artista cu mas biaha a yega e top di e lista den historia, y e record cu mas biaha cu e cantidad di top 10 riba e lista, cu 39. E astro spaño ta tambe e artista cu mas titulo den e prome puesto di Latin Airplay cu 31 y cu mas top 10, cu 40. Ademas, e ta sostene e record cu mas titulo number uno riba Latin Pop Airplay, cu 24 y cu mas top 10 riba Latin Pop Airplay, cu 43. Door di e dominio riba e listanan, nan a dune e elogio como ‘King of the Latin Pop’. Enrique Iglesias tambe a gana e cantidad mas grandi di premio den historia di Billboard Latin Music Awards, cu 47.
Celebrando su 25 aña di trayectoria, Enrique Iglesias ta mantene un lista di exito imparabel, cu mas di 180 miyon de album bendi, mas di 17 biyon view di su videonan musical y 19 biyon di streams di su cancionnan, di cual un gran parti ta coresponde na e mercado mericano, ademas di un lista impresionante di premionan logra den su carera tanto como cantante y autor.
Ademas di su musica, el a apoya cu entusiasmo e esfuersonan di Save The Children, cu e fondo pa yuda na e desastrenan. Enrique y sus fans alrededor di mundo a traha pa apoya e causa a traves di donacion, subasta y merchandising, y nan a logra recauda mas di 400 mil dollar. E clasificacion di Billboard Top Latin Artists of All Time ta basa den e desempeño di e lista semanal di Hot Latin Songs (desde e prome edicion cu e fecha di 4 di october 1986) y e listanan d Top Latin Albums (desde su inicio dia 10 di juli 1993) na e listanan di Billboard cu e fecha di 10 di october 2020.
