Kim Kardashian a cumpli 40 aña y su famia no tabata kier a laga e ocasion special aki pasa voorbij, a pesar di e pandemia door di e coronavirus, Kris, Kylie y Kendall Jenner, como tambe Khloé y Kourtney a organisa un surprise party pa e entrepreneur cual tabata hopi special. Nan a realisa un grabacion special pa E Channel! den cual ta mustra tur e elementonan di glamour di e celebracion manera e mesanan di cos dushi, un auto clasico, pampoena — cu a pas net bon awo cu Halloween— y hasta red carpet.
E socialite, cu a comparti 10 potret riba su Instagram, den cual por mira e detayenan ademas di e post cu el a comparti cu su mama y rumannan, cu ta bisa cu nan a re-crea tur su cumpleañonan special durante su bida y mirando tur nan homevideo’s di antes. Nan re-crea e fiestanan, e mesun blaasnan y e mesun bolo. Su tata a graba y documenta henter nan bida y a mustra cada un di e videonan di su cumpleaño riba un screen grandi.
Pa Kim su sweet 16, e mesun auto tabata t’ey y cu e mesun blaas y bolo. Despues di un rato cu e cortinan a habri su ruman muhernan a sali como e ‘bottle service girls’. Nan a re-crea e nightclub, Tao, unda Kim Kardashian a celebra su 30 cumpleaño. y el a comparti cu e lo ta semper agradeci cu su famia a tuma nan tempo pa arma e fiesta pa celebra su 40 aña.
