Esunnan cu ta mas cerca di e actor ta señala directamente na su pareha, Ana de Armas, como e responsabel di su transformacion positivo. No tin duda cu tin persona cu por transforma e bida di su pareha, y prueba di esaki ta Ana de Armas y Ben Affleck, ken ademas di tin un aña completamente limpi di recaida den alcoholismo cu e ta sufri, awo tin un bida hopi mas saludabel y loke a ser comenta cu ta danki na su chick cu ta 15 aña mas jong cu ne.
E Paparazzinan a logra capta Affleck pafo di su cas na Los Angeles y a keda den evidencia cu el a baha di peso. Segun e fuentenan cercano, el a logra esaki door di un bon alimentacion, reduciendo carbohidrato y comiendo hopi proteina. Ademas di come saludabel Ben Affleck a practica entrenamentonan fisicos pisa. Por recorda cu na 2018 e actor a biba un di e pio crisisnan cu varios recaida di su adiccionnan. Riba e potretnan por mira cu e actor ta mas flaco y hasta cu su paña ta keda grandi na su curpa.
