SETAR e aña aki lo ta bishitando varios bario rond di nos isla pa sorpresa e clientenan di SETAR, cu premionan atractivo te na porta di nan cas hunto cu e ambiente di Fin di Aña. E Creando Speransa Bus Tour ta forma parti di e campaña di Fin di Aña di SETAR “Danki pa ta Nos Cliente!”.
Diadomingo 15 di november, e Creando Speransa Bus Tour a bishita e diferente barionan pariba di brug unda a haci varios cliente contento. E clientenan por gana entre otro baskets, gift cards y un servicio di SETAR completamente gratis pa aña 2021. Sin lubida e clientenan den banda cu por gana gadgets, gifts cards y mucho mas “on the spot”.
Asina aki SETAR kier duna bek na su clientenan y gradici nan pa nan lealtad y nan aporte di semper. Keda pendiente pa e sign di SETAR diadomingo awo unda nan lo ta bishitando entre otro e barionan di Santa Cruz y Paradera.
