Artesano Erika Moran
Varios participante a inscribi pa e “IT Challenge” di cual 17 participante a logra pa entrega nan piesa dia 16 di november pa 6.30pm. Dia 17 di november e comision di SEYO nacional lo haci un evaluacion di e piesanan y lo revela e finalistanan pa e evento final dia 23 di november na Cas di Cultura. E dia aki lo conoce otro panel di hurado cu lo mira y evalua e piesanan di e finalistanan pa prome biaha. E trayectoria aki tabata uno cu hopi a pasa un experiencia unico conociendo nan mes y bin cu diferente piesa artesanal, unda nan a uza nan mente creativo y trahe cu hopi pasion.
Social Media Workshop
Banda di entrega un pieza, e participantenan tabatin e oportunidad di sigui diferente workshop online. Manera “Branding” duna pa Jaritza Correa BoldBizz y Candy Rasmijn di Connect PR, Marketing & Events, “Social Media” duna pa Diederick Kemmerling di The Lab y “How to Price your product & present it” duna pa Lay Hing Yee- de Kort di Cornerstone Economics. Cosecha kier duna un danki na cada un cu a duna di nan tempo pa asina tambe e participantenan por siña un tiki mas di e temanan aki. Banda di esaki esunnan cu a inscribi prome cu 31 di october tabatin e oportunidad pa sigui un workhsop online via e website di Domestika unda nan mes por a kies uno den nan ramo.
Branding Workshop
E anochi di dia 23 di november lo bira sigur uno diferente, culminante y lo cuminsa pa 6.30pm na Cas di Cultura. Pa e anochi aki e caarchinan ta limita door di e Covid protocol, esey kiermen cu si bo kier bin experiencia e anochi aki busca bo ticket mas pronto posibel na Cosecha Oranjestad desde diaranson dia 18 di November 2020 pa solamente 5 florin. Pa mas informacion por tuma contacto cu Cosecha Oranjestad na telefoon 5878709. Tambe por manda un email na [email protected]. Pa por keda informa di Cosecha su workshop-, artesano-, artistanan y nan webshop nobo por bishita nan Facebook page: Aruba-Cosecha Instagram page: cosecha_aruba y Webpage: www.arubacosecha.com.
