Miss Plus Aruba ta e prome certamen cu a inicia y dedica su mes na e hende muhenan Plus Size di Aruba. Segun e organisador, Thyrone Farro, nan a ricibi informacion, atencion y coolaboracion for di e medianan di Caribe informando nan cu Miss Plus Aruba ta e prome certamen di beyesa specialmente dedica na e Hende Muhernan Plus Size. Nan a hinca hopi pensamento, tempo, dedicacion y premiacion den nan 14 candidatanan y tambe nan a mantene un temporada di 3 luna hopi ameno, organisa, educativo, y inolvidabel pa cada un di e participantenan.

E preparacionnan pa Miss Plus Aruba a cuminsa mas cu un aña pasa, nan por bisa cu tur cos a cana bon y sin mucho dolor di cabes. Nan a traha structura y a hinca hopi pensamento y creatividad den cada reto, premio y titulo. E preparacionnan tabata encera hopi di nan planning, hopi spaar y hopi trahamento di adelanta. Nan plan tabata pa haci un certamen fisico mes e aña aki, y door di e situacion di COVID-19, nan a dicidi di cambia e concepto e aña aki pa un certamen virtual, cual tambe a hacie un poco mas facil, pero tambe cu hopi mas planning, cambionan den regla y puntuacion y tambe material.

E criteria pa eligi e ganadora tabatin diferente factor. E organisacion a pone diferente criteria specifico pa cada reto, pero tambe pa e otro titulonan manera Miss Plus Photogenic y Best Hair & Make-Up. Pa nan por a eligi nan ganadora, nan no a simplemente uza e puntuacion di cada reto, pero tambe nan a combina e puntuacion cu e otro titulonan caminda cu e candidata por a score mas punto. Nan a dicidi di laga e parti di social media como solo un premio extra pa e candidatanan, pa asina e popularidad riba Facebook di cada un no tin un efecto riba nan puntuacion final. Pa cera e puntuacion, nan a haci uzo di nan puntuacion di nan entrevista cu hurado, cu tambe tin su criteria y cu tin un peso un tiki mas pisa. Tur esaki ta pa demostra cu un ganadora no solamente tin e miho editing, pañanan y preparador, pero tambe cu e ta un dama riba su mes cu por pensa y tuma e decisionnan corecto individualmente. Pa cu e decision aki, e organisasion tin e motto cu ta bisa: “Confidently Beautiful, Ingelligent and Fierce!”.

For di e punto di bista di e organisacion, Thyrone ta bisa cu e highlight di e anochi final tabata ora cu nan tabata mira con tur e candidatanan presente a celebra hunto cu e ganadora ora cu a elegi’e. Tambe ta pa mira un smile riba cara di cada un, ora cu nan tabata mira nan mes y tambe otro nan ricibi premio y titulonan durante e anochi. E ganadora conhuntamento cu 2 otro candidata lo representa nos isla na 2021 den un certamen cu nan a wordo invita personalmente pa participa den exterior. Nan preparacionnan pa cu esaki a cuminsa caba y tambe nan inscripcion tambe a wordo manda. E candidatanan hunto cu nan famia, preparador, team y comision di Miss Plus Aruba ta cla pa trece otro corona pa Aruba!

E GANADORNAN DI MISS SIZE ARUBA:

  • Miss Plus Spirit: Zhilayne Loefstok
  • Miss Plus Photogenic: Rosandy Geerman
  • Miss Plus Empowerment: Mary-Lyn Solognier
  • Miss Plus Social Media: Rosandy Geerman
  • Miss Plus Best Hair & Make Up: Rosandy Geerman
  • Miss Plus Confidence: Virginia Dijkhoff
  • Miss Plus 4th Runner Up: Teany Dania
  • Miss Plus 3rd Runner Up: Shaquira Ascanio
  • Miss Plus 2nd Runner Up: Damaris Roga
  • Miss Plus 1st Runner Up: Lyrza Lansiquot
  • Miss Plus Aruba 2020: Rosandy Geerman

LEAVE A REPLY

Please enter your comment!
Please enter your name here