Esaki ta un di e lunanan mas gusta pa su ambiente y fiestanan, pero e biaha aki no di e manera tradicional cu nos tabata custumbra: e aña aki no lo tin e christmas dinner cu banda y buffett pa e empresanan, ni sikiera considera e encuentronan cu hopi hende. Aunke e pandemia a laga nos adopta un estilo mas ‘effortless’ y e celebracion lo ta na cas cu esunnan mas cercano, esey no kiermen cu e hende muhenan lo no worry pa mustra perfecto pa e celebracionnan di Pasco y Aña Nobo.
Aki tin algun sugerencia di e peinadonan cu por recrea pa cualkier celebracion cu bo lo bay tin, hopi facil pa haci y cu algun acesorio cu bo tin na cas.
CABEY STRAIGHT
Kisas pa hopi e style aki no tin nada special pa tin e cabey asina natural, pero si abo ta esun cu mester percura pa tur e preparacionnan, e cabey straight semper ta salba bo, no ta importa e prioridad di e evento, semper e ta laga bo luci bon.
BUN
El clasico ‘bun’ ta saca nos for di cualkier dificultad den mas di un ocasion. E mas interesante di e estilo aki ta cu por peiña den diferente estilo. Por ehempel si bo ta bisti un shimis cu un escote, por opta pa e bun riba bo cabes y mas defini. Si bo look ta menos formal of cu tononan bright, por laga algun cabey los of hasta cu mitar cabey na halto.
MESSY HAIR
Aunke e ta parce un di esnan mas elabora, e berdad ta otro, pero asina mes e ta un di e peinadonan faborito, e ta rekeri pasenshi y poco practica pa logra e ondanan semi defini cu un tool special. E messy hair ta bay cu tur cos, incluso blusa cu kraag halto, jacket of shimis.
DIADEMA
Esaki por resulta e style mas cool di mundo, y kisas por ta berdad, pero no si no uza esun adecuado. Por opta pa un diadema den tela, cu detayenan cu ta combina cu bo outfit. E diadema-joya ta ideal para crea accento di color of duna briyo na nos look.
SPARKLE HAIR
E forma pa duna un toke dibertido, bunita y briyante na bo cabey di un manera facil, ta agregando pins cu ta briya na mitar di e cabey, hunto of los, incluso haci un mix and match di diferente diseño e parti patras di bo cabes pa haci e peinado mas yamativo.
