Esaki tabata un aña diferente y sin precedente pa describi esaki den poco palabra, pero cu un impacto grandi cu ainda nos ta navegando atraves di e turbulencianan causa pa COVID-19. Apesar di e situacion cu mundo henter a wordo confronta cu ne e aña aki, hopi por a para keto y siña balora hopi cos cu bida tin di ofrece, pero door di un ritmo acelera di nos estilo di bida, no a realisa anteriormente. E palabranan ‘nobo’ cu nos mester a adapta nos bida na dje den 2020 ta; distanciamento social, tapaboca, zoom parties y zoom meetings. Cu tur locual e pandemia a trece cu ne tabatin e oportunidad tambe pa avansa. Durante e temporada di lockdown y cuarentena, e ekipo di FOCUS for di distancia a pone esfuerso conhuntamente pa bay riba un otro nivel.

Den e luna di augustus a lansa e prome revista Focus Digital, cu for di e prome momento a ricibi un acogida enorme y absoluto. Cu un contenido editorial actualisa, su fotografia impactante y un diseño creativo y unico, a hiba e lector na su revista faborito na alcance di un click. Aunke e revista ta interactivo a mantene e balans perfecto pa disfruta y lesa den trankilidad cada pagina. Pa locual ta e edicion di december, esaki manera tur aña tin su toke glamoroso y festivo, cu tin riba su portada Kelsey Westerburger, un hoben bunita y hopi talentoso. Nos Prome Minister, Evelyna Wever-Croes, ta elabora ki e aña aki a significa p’e y ta duna su mensahe di Fin di Aña. Esaki ta un di e miho añanan den e parti creativo pa Jeon y e ta comparti den FOCUS con e lo inicia aña 2021 internacionalmente. Un persona cu un trayectoria impresionante, Luz Marina Gonzalez, ta conta di e reto- y cambionan den su area trabou. Un storia di inspiracion sigur ta Timothy Charles, cu aña 2020 p’e tabatin hopi duda, incertidumbre, lucha y speransa, pero cu un resultado na final di alegria. Den e edicion aki tin diferente seccion y highlight, cu nos lo trece den un siguiente post. Download Focus Digital Awo!

LEAVE A REPLY

Please enter your comment!
Please enter your name here