Ayera e celebridad y jetsetter di Aruba, Arnalda Lampe, a post algun potret riba su rednan social ora e tabata dinner na Nusr-Et na Dubay. E cadena di restaurant di luho aki su propietario ta Nusret Gökçe, cu su ‘nickname’ ta Salt Bae, y e ta un chef, carnicero y restaurador turco. Su tecnica pa prepara y condimenta carni a converti den un sensacion riba Internet entre e celebridadnan. Gökçe a nace na Erzurum, Turkia, y door di e finansas di su famia, esaki a fors’e pa laga scol den zesde klas pa e bay traha como un aprendis di carnicero den e districto Kadıköy di Istanbul.
Gökçe a bira conoci atraves di un serie di video y memes viral riba internet na januari 2017, unda e tabata mustra su arte con e ta corta carni ‘suavemente’ y sprengo e salo. Su fama mes a bin cu e video viral ‘Ottoman Steak’, di su restaurant publica riba 7 di januari riba Twitter. El a ser mira 10 miyon di biaha riba Instagram, despues di esaki el a haya e nickname ‘Salt Bae’, debi na su forma peculiar di sprengo salo: lag’e cay desde su punta di dedenan te na su brasa dilanti, y despues cay riba e tayo. Debi na e exposicion viral obteni di e publicacion aki, e perfil Gökçe a expande enormemente y a haya hopi fama entre celebridad, politico y full rond mundo.
Den su segundo bishita na Dubai, esaki ta e prome biaha cu Arnalda Lampe ta bay Nusr-Et, unda cu e celebrity chef, Nusret Gökçe, a bin personalmente na nan mesa. Nan a come un ‘golden asado’ y e carni tabata dorna cu ‘edible gold flakes’, cu ta literalmente baña den oro. E experiencia tabata hopi apart y a bira un di e restaurantnan preferi na Dubai, un destinacion turistico cu Arnalda ta gusta paso e ta moderno y tin tur cos cu bo por imagina. Eynan e shopping ta spectacular, un clima dushi den e temporada aki, y hopi importante cu e luga ta hopi ‘safe’ sin ciminalidad eynan.
