![](https://focus.aw/wp-content/uploads/2020/12/Netflix-ta-nenga-t.jpg)
Algun dia pasa e gobierno di Reino Uni a pidi Netflix pa clasifica The Crown como ficcion, pa e espectadornan no asumi e episodionan como historico riba e famia real britanico. Mas den concreto, e secretario di cultura tabata kier pa inclui un aviso den e creditonan inicial informando cu ta trata solamente di un serie, y cu den niun caso por considera esaki como un documental.
![](https://focus.aw/wp-content/uploads/2020/12/Netflix-ta-nenga-2.jpg)
Sin embargo, e plataforma di streaming a revela cu nan no tin intencion pa haci easaki, pasobra nan ta haya cu ta resulta innecesario. Semper nan a presenta The Crown como un drama, y nan ta sigur cu e usarionan ta compronde cu ta trata di ficcion basa extensamente riba e hechonan real.
![](https://focus.aw/wp-content/uploads/2020/12/Netflix-ta-nenga-3.jpg)
E actriz Helena Bonham Carter, cu ta interpreta prinses Margaret den e ultimo dos temporadanan, a mustra hopi mas receptivo cu e mesun sugerencia, pasobra e ta considera cu e ta un responsabilidad moral di henter e ekipo di e serie, pa laga bon cla cu ta tratando di conta un historia.